2023-yil may oyida Toshkent shahrida o‘tkazilgan ko‘rgazma-savdosi - ishtirokchilar va 3000 dan ortiq tashrif buyuruvchilarining e’tirofiga sazovor bo‘lgandi. Xususan, mazkur ko‘rgazma-savdosida 50 dan ortiq mahalliy va xorijiy korxonalar 100 mln. dollarga yaqin hamkorlik shartnomalarini imzolashgan va sotuv amalga oshirishgan.

Mintaqada 90 milliondan ortiq aholi istiqomat qiladi. O‘zbekiston esa Markaziy Osiyoning zargarlik sanoati xabi bo‘lish uchun yirik qadamlar tashlamoqda. Bugungi kunda O‘zbekiston oltin qazib oluvchi TOP-10 mamlakatlardan biri hisoblanadi. Mamlakat qonunchilik parametrlari ham zargarlik sanoati biznesi vakillari uchun qulay takliflarga ega, masalan: qimmatbaho metallarni to‘g‘ridan-to‘g‘ri shartnomalar va birja savdolari orqali xarid qilish imkoniyati mavjud.