PARIZODA GOLD

“PARIZODA GOLD AND SILVER” korxonasi o‘z faoliyatini 2013-yilda yakka tartibdagi tadbirkorlik (YaTT) shaklida boshlagan bo‘lib, 2019-yildan boshlab yuridik shaxs maqomida rasman faoliyat yuritmoqda. Korxona asosiy yo‘nalishi — zargarlik buyumlarini ishlab chiqarish bo‘lib, mahsulotlarida milliy bezak san’ati an’analari va zamonaviy dizayn uslublari muvaffaqiyatli uyg‘unlashtirilgan. Har bir buyumda estetik did, nozik ishlov va milliy ruh mujassam etilgan bo‘lib, mijozlarga yuqori darajadagi san’at namunalarini taqdim etadi. “PARIZODA GOLD AND SILVER” korxonasi ishlab chiqarish jarayonida Italiya, Germaniya, Turkiya va Xitoy kabi yetakchi davlatlarning ilg‘or texnologiyalaridan va zamonaviy uskunalaridan foydalanadi. Bu esa mahsulotlarning yuqori sifatli, bardoshli hamda zamonaviy bo‘lishini ta’minlaydi. Kompaniya o‘zining innovatsion yondashuvi, ustalik bilan bajarilgan ishlari va ishonchli xizmatlari orqali bozorda o‘z o‘rnini mustahkamlab bormoqda.